【救援、尋家、教育：浪浪與棄寵嘅背後英雄們】
領養機構嘅毛孩們個個都精靈活潑，但佢哋背後嘅身世你又有冇想象過呢？不論係遭受虐待嘅受傷毛孩、擔驚受怕嘅流浪寶寶、抑或因為老年患病而遭拋棄嘅昔日夥伴，陪伴每個毛孩經歷嘅艱難時刻，就係救助同照顧佢哋嘅義工們。DDY Pet HK希望透過俾大家認識部分非牟利組織或獨立義工，鼓勵大家領養勿棄養。

保護動物慈善協會 LAP

呢個具有20年歷史嘅香港註冊動物福利機構，以志願者為組織，開展多種流浪動物救助、訓練項目。其中比較出名嘅南丫島TNR計劃，就係幫助南丫島被遺棄後自行繁殖嘅野貓。義工們回幫野貓接種疫苗、治療同絕育，同時提供食物同水，令野貓即使喺外界都可以健康生活。當然，接收大量棄養寵物嘅義工，都希望得到領養同暫托家庭嘅幫助。

 

保護動物慈善協會 LAP

WhatsApp：66917131（貓）、98879494（狗）
貓領養中心：西營盤第一街11號、狗領養中心：荃灣荃景圍187號Allway Gardens E座
網站：https://www.lap.org.hk/    

毛守救援 PGRS

作為領養日同義賣活動嘅常客，義工們親力親為咁用唔同方式為浪浪謀福。除咗領養同捐助之外，亦都鼓勵大家助養毛孩同成為暫托家庭。亦都因為領養一隻寵物需要多種考慮，以活動去開放咨詢，俾大眾了解領養程序、同待領養毛孩見面嘅方法。除此之外，毛守義工都投身於救援路邊或繁殖場浪浪，希望就不同個案，呼籲大家關注毛孩安全勿棄養。

 

毛守救援 PGRS

查詢電話：69994227
營業地址：九龍深水埗醫局街131號地下
網站：https://www.pgrs.life/

 

梧桐山動物救助隊

喺梧桐山上一片土地用磚頭、圍欄、鐵絲網建設浪浪家園，Kathy同佢嘅救援團隊每日都為受傷嘅浪浪或者被忽略至嚴重病患嘅棄寵奔波。人手短缺之際，處理致命傷口、打理惡劣衛生狀況、醫院接送、生離死別，已經係團隊每日面對嘅情況。對於目前嘅義工們最迫在眉睫嘅難題，就只有多一份俾毛孩嘅食糧、接受治療嘅資金、同大眾對浪浪嘅關注。

 

梧桐山動物救助隊

聯絡電話：93413288
FB群組：https://www.facebook.com/groups/1503789149917711/

 

不論係對浪浪定棄寵，可以幫助毛孩們最大嘅一步就係從源頭做起——領養三思勿購買，先係避免出現流落街頭、或者遭受惡劣繁殖場虐待嘅情況。同毛孩相處同包容始終係一個需要長久學習嘅議題，毛孩或者係人生一角，但毛爸毛媽絕對係毛孩嘅全部。而已經帶咗毛小孩返屋企嘅朋友們，更加唔好忘記要從小幫毛孩儲蓄健康，減輕老年時可能患上病患嘅機會，健康快樂咁成長。

 

延伸閱讀（一）：Dr. Lee領養冷知識：新舊毛孩要分開→ https://bit.ly/40hXkR0
延伸閱讀（二）：輕鬆記住5個steps，帶新貓返去唔怕主子嬲嬲→ https://bit.ly/3Jn4GwP
延伸閱讀（三）：睇啱就領養！貓奴共享工作室「浪浪抱抱」→ https://bit.ly/40cJH5y