【毛孩好去處】

住喺港島嘅毛爸毛媽，想帶毛孩一齊去鬆一鬆歎一歎，我哋有好介紹！今次Danny哥哥帶住波波同大家去探路，介紹3間高質素嘅寵物友善餐廳，其中兩間仲有pet menu！

 

📍 Petfeny Moment 1/4

 

第一間Petfeny Moment 1/4，位於城市花園附近，係難得一見嘅主打寵物餐單嘅餐廳。寵物餐單款式之多，賣相之靚，連小編見到都好羨慕！

 

店內設有冷氣，毛孩可以歎住冷氣享用美食，唔駛驚熱到中暑。打卡位多多，啱晒主人同愛寵定格開心回憶。餐廳內更設有玻璃美容房，提供美容、Spa同沖涼服務，家長嚟食飯都可以順便睇住毛孩沖個靚涼。

所有料理都係精選人類可食用的優質食材，天然安全，有機蔬果、刺物級別魚肉海產等。每日新鮮香港人手製造，保證毛孩們嚟到都可以食到最鮮嘅料理。餐單嘅配方都係高蛋白質，鮮肉份量達90%，同時平衡毛孩所需嘅磷鈣、攝水量、纖維等等，更加冇防腐劑或味精添加。

寵物餐單包括有飯丼、便當、迴轉壽司、爐端燒、High Tea下午茶等多個選擇，聽名已經覺得好正！睇相更加正！波波都食得好開心。

 

📌 地址：港島北角電氣道233號城市花園十期地下 G45號舖

☎️ 電話：68222761

 

📍 活LITM

另一間受到矚目嘅寵物餐廳！2021年年尾新開嘅，坐落喺北角匯，佔地接近2000呎空間開闊，仲對住海旁景色。餐廳用餐區域分開咗人同寵物專用區，毛孩一樣可以喺室內歎冷氣。

寵物餐單有3款選擇，全部都係用純肉和新鮮蔬菜製造，不含任何調味料或麵粉。餐單包括全日早餐（雞肉、淮山、甘荀、西蘭花、南瓜、蛋白、風乾肉），牛肉漢堡（牛肉、雞肉、淮山、甘荀、西蘭花、蛋白），藍莓香蕉班戟（藍莓、香蕉、蛋黃（不含麵粉））。另外仲有毛孩專享嘅Puppuccino飲品，用嘅係無乳糖牛奶，亦都不含咖啡因。

📌 地址：北角北角邨里1號北角匯一期地下G01&G32號舖

⏰ 營業時間：星期一至日 11:30-22:00

☎️ 電話：26381777

 

📍 野草 Weeds Gelato & Coffee

最後一間係好啱帶住毛孩一齊打卡嘅野草，呢間餐廳主打手工製作意式雪糕Gelato，其中創意甜品用咗好多香港本地食材，例如芫荽、洛神花、苦瓜等等。店內粉紅色糖果色系裝潢，女仔見到都心心眼。雖然冇寵物餐單，但打卡一流，內有粉色花花墻、彩虹隧道、彩虹化妝間，帶毛孩嚟要打夠卡先得。

店主本來是消防控制隊目，在澳洲working holiday時當咖啡師，後來又到意大利進修學習整Gelato。回港後更找來香港小農合作，將本地食材變成Gelato，中西合璧，給客人帶來本土味道。

📌 地址：北角和富道21-53號和富地庫B50號舖

⏰  營業時間：星期一至日 11:00-22:00

 

完整版YouTube視頻